2016-imi pisortat ingerlatsinermi aningaasaateqarnermilu aningaasartuutaat 10,5 mia. kr.-it angusimavaat. Taakkunannga 27,6
pct.-it inunnik isumaginninnermut
aammalu 18,6 pct.-it ilinniartitaanermut
atorneqarsimapput
2016-imi pisortaqarfiit aamma kiffartuussinerit ingerlanneqarnerinut aningaasaateqarnermilu aningaasartuutaat 10,5 mia. kr.-iusimapput. 2015-imut sanilliullugu 380 mio. kr.-inik amerlanerupput procentinngorlugu 3,8 pct.-imik qaffassimallutik. Pisortat aningaasaqarnerannut isumaginninnermut tunngasut 27,6 pct.-iullutiullutik atuiffiunerpaajusimapput ilinniartitaaneq 18.6 pct.-imik atuiffiusimasoq tulliusoq, taakku pillugit titartagaq 1 takuuk.
Titartagaq 1. 2016-imi pisortat ingerlatsinermi sullissinermilu aningaasartuutaasa agguaanneri
Tamanna saqqummersitami ”2016-imi pisortat aningaasaqarnerat”-ni Kalaallit Nunaanni Naatsorsueqqissaartarfiup saqqummersitaani takuneqarsinnaavoq. Saqqummersitaq Naatsorsueqqissaartarfiup nittartagaa www.stat.gl iserfigalugu atuarneqarsinnaavoq pdf-finngorlugulu aaneqarsinnaalluni.
Pisortat ilinniarnernut aamma isumaginninnernut aningaasartuutaat nunani avannarlerni pingaarutilerujussuupput. 2016-imi innuttaasut amerlassusaat eqqarsaatigalugit, Kalaallit Nunaanni inummut ataatsimut 35.031 kr.-it ilinniarnernut atorneqarsimapput 51.984 kr.-it inunnik isumaginninnernut atorneqarsimasut, taakku 2015-imi aningaasartuutinit annikinnerulaarput.
Taamaallaat Savalimmiut minillugu Nunani avannarlerni agguaqatigiissitsilluni ilinniarnermut inunnut ataasiakkaanut aningaasat atorneqartartut Kalaallit Nunaanni annertunerupput, titartakkami 2-mi tamanna takutinneqarpoq. Assersuutigalugu 2015-imi agguaqatigiisitsinermi inummut ataatsimut aningaasat atorneqarimapput Norgemi 27.475 kr.-it, Islandimi 25.554 kr.it aamma Danmarkimi 25.228 kr.-it
Inunnik isumaginninnermut aningaasartuutit
killormut inissisimapput. Taamaallaat Islandi minillugu Nunani avannarlerni agguaqatigiissitsilluni
inunnut ataasiakkaanut isumaginninnermut aningaasat atorneqartartut Kalaallit Nunaanni ikinnerupput. 2016-imi Kalaallit Nunaanni isumaginninnermut aningaasartuutit
agguaqatigiisitsinermi 51.984 kr.-it inummut ataatsimut atorneqarsimapput. Assersuutigalugu
2015-imi inummut ataatsimut
aningaasat atorneqarimapput
Norgemi 97.743 kr.-it Danmarkimilu
84.486 kr.-it. Titartagaq 2 takuuk.
Titartagaq
2. Nunani avannarlerni Agguaqatigiisitsinermi inummut ataatsimut pisortat ilinniarnernut aamma inunnik isumaginninnermut
Najoqqutaq: 2016-imi pisortat aningaasaqarnerat (Kalaallit Nunaanni) aammalu 2016-imi Nunat Avannarliit Ukiumoortumik Paasissutissaat (nunat allat).
Nalunaarut: 2016-imi kalaallit Nunaanni innuttaasumut ataatsimut aningaasartuutit, 2013-imi Savalimmiuni aammalu 2015-mi nunani allani.
Uuttuut: Innuttaasumut ataatsimut koruunit.
Saqqummersitaq ”2016-imi pisortat aningaasaqarnerat” pdf-inngorlugu aaneqarsinnaavoq Naatsorsueqqissaartarfiup nittartagaani: www.stat.gl –imi.
Annertunerusumik paasisaqarnerorusuttut Naatsorsueqqissaartarfiup ittuanut Anders Blaabjerg-imut oqarasuaat (toqqaannartoq) 34 57 81-imut sianerlutik saaffiginnissinnaapput.